لو حصل هذا الموقف لك مذا تفعل

السلام عليكم ورحمة الله وبركاته

اخواني واخواتي هذا الموضوع من اجل الترفيه اتمنى ان يعجبكم

اهلا ومرحبا بكم اعزائي المشاهدين في برنامج (( لو حصلك هالموقف .. وشني اتسوي )) ..
(( وشني هذا البرنامج اللي اسمه اطول من الموضوع ))

كثير منا يتمتع بعصبية مفرطه تصل إلى
درجة غليان الرأس ليصبح كأنه شواية على البخار

ومن هذا المبدأ ينطلق برنامجنا الشعبي
(( لو حصلك هالموقف وشني اتسوي ))

وهو عبارة عن مجموعة مواقف نطرحها عبر هذا الموضوع
وننتظر ردودكم التي ستحمل طرق تعاملكم مع تلك المواقف

< نبدى بالشباب >

لو حصلك ... (( 1 ))

تخيل انك نايم وعندك في البيت اخو ثقيل دم كل وجهه ضروس
يجيك وانت في غرقت نومك ويكب على شعرك عسل ويتلزق
ويفلت عليك بقشرة جحا ويهرب ..
وشني اتسوي .. لو لزمته ..
اريد وصف لا يتجاوز ثلاثة سطور

لو حصلك ... (( 2 ))

تخيل لو رحت لدكتور اسنان بتصلح تقويم لاسنانك
اللي متلازقه كنها هنود متزاحمين على خباز
وحط لك الدكتور الجبس في فمك وخلاه اكثر من مدته
وجاء بيطلعه واكتشف انه نشف وما يطلع
ومع المعمعة اكتشفت ان الدكتور توه مبتدأ
وفمك مخدر و اسنانك متلازقه
والحديدة اللي فيها الجبس داخل فمك
وشني شعورك وكيف بتكون ردت فعلك
لما تشوف المستوصف كله تجمع عليك


لو حصلك ... (( 3 ))

تخيل انك ماشي مالك ولا عليك
وشفت فيه شباب يتضاربون ووقفت تطالع واكتشفت انهم سحبوك
معهم في المشكلة واضطريت تفك بينهم وجاك بكس من واحد منهم لابس خاتم
فرقع ضروسك مثل ما يفرقع المضراب حبوب الكيرم
هل تغير نظرية الفك بينهم وتكون طرف في هذه المضاربه
وان دخلت وشني اتسوي اوصف لنا حالتك وكيف بتسوي مع الشخص اللي ضربك


<< هذه الفقرة خاصه بالبنات >>

لو حصلك ... (( 1 ))

تخيلي رحتي لكوافيرة .. تردين تسوين خصلات بشعرك
ورحتي وطلبتي خصلات بيج .. وحطت لك اللي تبين وخلتك الين ياخذ لون
واكتشفتي ان الخصلات طلعت بنفسجي واخترب شعرك (( حرقته الصبغة ))
وقالت انخفف اللون
هل تخلينها وان خليتيها هل تفرط اعصابك وان فرطت اعصابك
شني اسوين لهم

لو حصلك ... (( 2 ))

جتك وحده من صديقاتك نصحتك بكريم جسم وانه يوخر الحبوب
المنتشره في جسمك اللي طالعه كنها رشه امريكيه في جدار مدرسة
وشريتي هالكريم وحطيتيه .. وكان عندكم حفلة ورحتي للحفلة
واكتشفتي ان هالكريم بدى يتفاعل مع بشرتك ويسبب لك حكه
في ظهرك عند الناس وشني اسوين
طبعا مستحيل تقولين ابحك ظهري في الباب
وشني اسوين ووش راح تكون ردة فعلك في الحفل ومع صديقاتك

لو حصلك ... (( 3 ))

لو كنت مبتليه بعائلة عصبية همها على بطنها وانت اللي تسوين
الغداء وجاء يوم واحترق الغداء نتيجة اهمال والا متابعة مسلسل الظهرية
وكانت الحلقة الاخيرة وانشغلتي مع احداث المسلسل ونسيتي الغداء
شني راح يكون تبريرك لهم
وشني راح اسوين وشني يسون هم لك

تقبلو اجمل تحيات

اخوكم
ابراهيم الكرناوي