صدك تقبل حبيبي لغيري هسة تصير

صدك تقبل حبيبي لغيري هسة تصير؟؟



وصدك مليت مني وبعد متحبني؟؟



وصدك هانت عليك اسنينه الحلوات



وما هانت عليك شلون تتركني؟؟



من يمته المذاهب نحسبلها حساب؟؟



ومن يمته الطوائف جانت تهمني؟؟

تحياتي



أنه لمن عشكتك ما سألت الناس



ولا جنت ادري اصلك شيعي لو سني



شجاك تغيرت وبكلبك انته شصار؟؟



جنت تموت بية وجنت تعبدني



وجنت اتنفسك وانته الهوه بدنياي



وجنت لو تبتعد لحظات .. تخنكني



معقولة الورد ينكر جميل الماي؟؟



وانته بهالسهولة تنازلت عني؟؟



ما أنكر مقصر إجت فترة وياك



لكن مو بدية الوكت يجبرني



شفت يمك نفط وابين اديك الماي



وأنه بناري اشتعل ردتك تخلصني



لكيتك بالعكس مايَك شمرته ابعيد



وجبت النفط بيدك حته تحركني



شسولفلك بعد؟ طعم السوالف راح



ردت منك توافي وخيبت ظني



أدري الوكت هو الخله كلبك هيج



وادري الطائفية الباكتك مني



وقبل لا تبتعد عندي سؤال ارجوك



فكر وية روحك عود و جاوبني :



باجر لو متت وتشوفني بتابوت



هم تبجي علية وبعد تذكرني؟؟؟؟؟

هم تبجي علية وبعد تذكرني؟؟؟؟؟

شكرا مريم استمري في هذا الابداع

العفو ورده
منور

و الله الشعر عالجرح تسلمين .

والله ابداغ ما بعدى ابداغ او ابداع بس لكفت من صالح ههههههههههههههههههههههههههه

منورين حبايب

ضل القمر كتب:منورين حبايب

تسلمين عمري.

لي عودة