&&&&مسجاات موبايل رووعة&&&&

وحگ ربنا وسماواته وارضه
بغيرك لا تظن اقتنع وارضه
عشرتي وياك عشره خشب وارضه
تلفت اعضاي من سكنت بيــه




ياحلوى الزعل طول صاحبينة
وبهجرج عضم ماضل صاحبينة
جنة برضة وجانت صحة بينة
زعلتي وزعلت الصحة علينة

مو عشرة تراهة وياك طلعت
ومن كثر الجروح الروح طلعت
شفت مرة شمس بليل طلعت
اكل للناس ميصدكون بية



ذبل هرش الكلب لاجلك وخاوه
وطمع ما ردت منك وخاوه
الفخر مو للذي عاشر وخاوه
الفخر للطيب اليذكر خوييه



بصحرة شوگ ضامي ارجوج... ميعاد
اعد والزمن واكف ابد... ميعاد
اباوع عالوجه والطول... ميعاد
شمس تمشي بملابس جامعيه


الك حن الگلب يسمر والك مال
وذاب الگلب من هجرك والك مال
لآني ناجح بحبك ولا كمال
ولا راسب واكلك حيل بيــه




وحك الله وبطل خيبر بدرنه
شنهو البدر من عدنه بدرنه
تغيب الشمس من يطلع بدرنه
واشوف النجم ياخذله تحيه



مثل صوت الذيابه صوته لاحن
لأن انياب الك بالعظم لاحن
لا رجف كلبك علي لاحن
لأن بذات وافعالك رديه



شجاك وياي باديهه من النص
كمت ما ميز العلوه من النص
جزء مفقود واصلني من النص
رساله اشلون تحسبهه عليه




ليش وياي باديهه من اخر
كمت الطش جزء انه من اخر
شجاك وياي رافعهه المناخر
تدنك حته انحلهه القضيه


ارضعتني الدنيه همه من نهدهه
طحت والطيحه من اهدهه
والله بصدري حصره من اهدهه
ابجي المن صخر كلبه عليه



الك بايع دليلي وانته حربي
اموت انه بجمالك وانتحر بي
وفجر كلمن يحبك ونتحر بي
لان مخصوص حبك بس اليه



وعينك...
تنخاني بشدتك وعينك
وشغلك بوسط كلبي وعينك
اريد اسأل ربي الخالق خدك وعينك
يحرسك دوم ويحفظك اليه





الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجديه




حبيبي اديارنا لــوجيتوا مرها
أونفسك عالوفـــا والطيب مرها
أنا عشرتك ضگت حلوتها ومرها
بويا طلع مــــرها أمر امن المنيه



هجم حبك على سنيني غزلها
وروحي بمغزل الحسره غزلها
القصايد بس الك لايك غزلها
شكد افرح اذا تسأل عليه




جروحك بالكلب خزن واذاني
صلاتي بعد ما تنفع واذاني
عيوني ما اضن يصحن واذاني
انسدت وضلمة الدنيا عليه



دمع عيني حبيبي غرك انه
اخوي انته وصديقي غرك انه
اذا فد يوم احبن غيرك انه
نذل بذات واطباعي رديه





احينلك فرص ان لم تحن لك
واحن عليك مثل لم تحن لك
اذا ماقاري صدك لامتحن لك
واجيب بكل درس امتحنه ميه



تظل نجمه ياضي العين بسماي
ويضل اسمك صديق العمر بسماي
ما يروي العطش بجفاك بس ماي
العطش ترويه من تسأل عليه


ملون هل العراق وصار عادي
وخسر كلمن أجانه اليوم عادي
بينه شما تمر صعبه عادي
رضعنه رصاص ومن البندقية

اكتب وخوش تكتب

مشكور على المسجات الحلوه

شكرا على المسجات الجميلة