اجمل قصائد العيد عيدي وعيدك مبارك وكل سنة وانتم بألف خير

بسم الله الرحمن الرحيم
ــــــــــــــــــــــــــــــــــــــــــــــــــــ
السلام عليكم
ــــــــــــــــــــــــــــــــــــــــــــــــــــ
الموضوع:قصائد العيد عيدي وعيدك مبارك

ــــــــــــــــــــــــــــــــــــــــــــــــــــــــــــــــــــــــــــــــــــــــــــ



والشاعر العذب محمد الشهري يقول :

على كثر اتصالات الخلايـق فـي صباح العيد
""""""""""""""" انـا والله مـاكنـت أتحرى غير جوالك
تحريت إتصالـك إنـت يالغالي وبالتحـديد
""""""""""""""" لأن العيد مااظنه يجي ومـاجيـت في بالك
تصور كيف مر العيد مـن تنكيد في تنكيد
""""""""""""""" وانا ما غير أهوجس بـك وأنادي وأتحرالك
وجوّالي غـدا مثلي تنهّـد واكثر التنهـيد
""""""""""""""" يقول: ابطى عليك.. وقلت: اكيد العلة إرسالك
وقمت اكذب على نفسي واقـول بصيغـة التأكيد
""""""""""""""" اكيـد الحيـن بتكلـم وانـا ادري مـا طرينالك
على ما يبدو اني كنت عـن بالـك بعيـد ابعيـد
""""""""""""""" حرام ارجوك صدقني انـا مـا استاهـل افعالك
أنا ملْكك .. وانا والله على ماتشتهـي وتريد
""""""""""""""" أنـا ويـاك تعرفنـا كمـا المملوك والمالك
كأني منخلـق بعـد العبادة وغايـة التوحيـد
""""""""""""""" عشان اعيش من شانك وشان ارضاك واحيالك
انا رهن اصبعك .. أشّر .. ومن هاالإيد الى هاالإيد
""""""""""""""" على كـل اعتباراتي انـا طفلـك ورجّـالك
وإذا غايتك تذبحني .. فلا أنـت بحروة التأييـد
""""""""""""""" توكّل وإنـت تلقانـي متـى ماتنوي اقبالك
ولكـن لا تعوّدني علـى الفرقا ونار البيدانا
""""""""""""""" عايش علـى خبرك نعيـم وجنـة وْصالك
جفاك اليوم قيّدنـي تعال وفـكّ هـذا القيـد
""""""""""""""" كلّمني وعايدني وقلّـي.. إنت وش حالك
ياليت العذر (فاتـورة) عليك بحاجة التسديد
""""""""""""""" أخاف العذر هي قولة: نسيته رقم جوالك

----------------------------------------------------------------------------

القلب عيدة فى معايد من يبيه
""""""""""""""" والعيد لا حطيت كفي فى يداه
أشتقت له بالعيد لكن كيف أجيه
""""""""""""""" ليت الامل فى شوفته قدّم ضياه
بعد المسافه عن عيونى يحتديه
""""""""""""""" ولا تكمل الفرحة بلا ضحكت شفاه
لو كل من يعشق لقا ما يشتهيه
""""""""""""""" كان أفّرح بشوفتك قلبى من عناه
أطالع البسمات فى كل الوجيه
""""""""""""""" وأضحك ونزف الجرح واصل منتهاه
وجدى على حالى ويا وجدى عليه
""""""""""""""" العيد من دونه بلا طعم وطراه
ليت القصيد إليا بدابه ينتهيه
""""""""""""""" تقصر حروف الشعر ما ترسم حلاه
يارقة الاحساس يالعرض النزيه
""""""""""""""" يا معطر الازهار والورد وشذاه
العطر فى حضرتك يبسط راحتيه
""""""""""""""" والنجم فى طلتك يظلم فى سماه
يا فلسفه سقراط ويا سيبويه
""""""""""""""" يأغلى روايه ما سرت بين الرواه
يالوحة الرسام يالفكر النبيه
""""""""""""""" يا معلقة شعر النبط كيف النجاه
أشتقت لك والبعد قلبى ما يبيه
""""""""""""""" وأبختصر بالعيد قولى فى مداه
عيدك سعيد ويالعلك تهتنيه
""""""""""""""" وتقبل الله منك صومك والصلاه

-----------------------------------------------------------

كل يسولف لي عن افـراح عيـده
""""""""""""""" وعن فرحةالأطفـال وجمعةاهلهـم
وأنا الوحيـد فـي عيونـي قصيـدة
""""""""""""""" يبكـي لهـا قـلـب كـلامـه وزنـهـم
كـــل غـــدا للعيـدقـصـة جـديــدة
""""""""""""""" وأنا همومـي قصتـي فـي زمنهـم
حزني وجرحىوهاالدموع العنيدة
""""""""""""""" صـارت ثلاثـة قيدونـي بوطنـهـم
كـل يجـي ويقـول فرصـة سعيـدة
""""""""""""""" وروحي توفت وأفرحومـن جللهم
ليـت الليالـي تاخـذ الـلـي تـريـده
""""""""""""""" وتـرد لـي الخلان..الـلـي خذتـهـم
يـاعـيـد مـــن تــمــزق وريــــده
""""""""""""""" وشوله افرح ودمـع عينىخذلهـم
ماعادلـي يــا عـيـد قـلـب تكـيـده
""""""""""""""" هـم اجرحـو قلبـي ومـات بكفنهـم
مات الحبيب اللي لةالكـون سيـده
""""""""""""""" مات وتركني احترق فـي حطبهـم
مات وكتبت الشعـر بـروح فقيـدة
""""""""""""""" ويش لي بفرحة ماتجمـع شملهـم
جرحي عيوف مايبي اليوم عيـده
""""""""""""""" وده يضم الجرح وينصـى اهلهـم

-----------------------------------------------------------

وهذه القصيده العذبه للشاعره ولــه :

العيد صبحك والهدية حضـورك
..............ياللي بشوفك يصبح العيـد غايـة
يشتاق فجر العيد ريحة بخـورك
............وأشتاق قولك : (عيد وأنتِ معايه)
ألبس وأغيـر وأتخيـل شعـورك
............وأمشط وأطيب ما هجرت المرايــه
تشرب ثيابي العطر لحظة ظهورك
...............وأسكر بعطرك لا تخلـل هوايـه
أروح وأرجع أتحـرى مـرورك
............ أفلّ شعر القلب وأضفـر شقايـه
أردد أبياتك , وأقطـع بحـورك
...........أبغى التفوق في الغـلا يا غلايـه
الله يوم أشرق على القلب نـورك
.......... أجــهر حروفي ,دسّ شعري ورايــه
تفتح بشوفك في خـدي زهـورك
...........تبي تحس في نظرتـك بــالرعايـة
كلي أمل أحظى ابسمة سـرورك
.......وأقرأ في وجهك ما يسطر هنــايـه
ياليتني حبر الفرح في سطـورك
.............ياغيـث احيـا بالمـودة ثرايـة





علموه أني ذكرته بـأول العـام الجـــديـــد = وعلموه أن الجروح بقلب فلان موجعـــــــــه
أيه أحبه كثر حبـي للمعانـي والقصيــــــد = وكثر ماهلت دموعي يـوم حـــــــــل موادعـه
وأشتاقله كثر أشتياق (الجد) لعناق الحفيد = وأتحمله كثر أحتمال السد موجـن يدفعـــــه
وأحتاجله كثر أحتياج القلب للدّم والوريــد = وأنفعه مثل العشير اللــــــي عشيـره ينفعـه
آه لوأملك ربع ماتملكـه (إ يـد الوليـــــــد) = لأجل أحقق أمنياته ولأجــــــل ألبـي مطمعـه
ذاب قلبي في غيابه مثل ماذاب الحديـــــد = يـوم ولعنـي وخـلا نـار قلبـــــــــــي مولعـه
أشهد أنه مارحمني يوم خلانـي وحيـــــــد = طاوعه قلبه يغيب وكيـف قلبـــــــــه طاوعـه
ماسمعت ألا (شطر) ويحرّك إشعور البليــــد = (ضاقت الدنيا بشاعر طيب قلبـه ضيعــــــــه)
آتمناه..وأريـده (والله يفعـل مايـريـــــــد) = وكان مكتوب الغياب..شحيلتي وكيف أمنعه؟
علموه أني فقدته وياعسى عامـه سعيــــد = وعلموه أن القصايـد فـي غيابـه تتبعـــــــه

( شاعر )
-----------------------------------------------------

الشاعره نوره الخاطر وابداع انثوي صادق :

يالعيد لبسني هدايـاك يالعيـد
""""""""""""""" زهرة أنا تشتاق دافي ضفافك
يالعيد لاتبخل علي بالزغاريـد
""""""""""""""" مليت صوت النايحة من جفافك
يالعيد لا تبدي على التناكيـد
""""""""""""""" يكفي همومٍ شلتها من كفافك
ابي هطولك ديم يروي عناقيد
""""""""""""""" روحٍ رجاه اليوم فرحة شفافك
وقلبٍ تفطّر بين صادر وتوريد
""""""""""""""" وفكرٍ تصحّر والحيا في عفافك
ماقدّر المولى رضينا بتحميـد
""""""""""""""" رجوى أمل نبني معالم زفافك

.
.
.
.
.

العيد عيدك والهدايا هداياك
""""""""""""""" جعلك تعوده وانت منّي قريبي

والعيد يكّمل لا تلاقيت واياك
""""""""""""""" شمس المحبه مشرقه ما تغيبي

ادري كثير الناس بالعيد هنّاك
""""""""""""""" منهو قريبن لك ومنهو صحيبي

لاشك عيدي شي ماهو بيخفاك
""""""""""""""" شوقن ينادي وينكم ياحبيبي ؟ ؟ ؟

افرح وعبّر عن مشاعر خفاياك
""""""""""""""" ياغايتي يافرحتي يا طبيبي

اشتاق للضحكه ليا جات بشفاك
""""""""""""""" محظوظ فيها يومها من نصيبي

يشدّني لك طيب قلبك ومبداك
""""""""""""""" ويشدّني لك حسن خلقن عجيبي

فيك الحنان وكل عيبن تعدّاك
""""""""""""""" عرفت عاد السّـر وشهو حـبـيـبـي ؟ ؟ ؟

الشاعر حمد بن سعد المسرع

.
.
.
.
.

كل عام وانت بخير .. ياسيد الخير
""""""""""""""" يالله عسى عايش بصحه وسلامه

مثلك ترى يسـتاهل أحلـى التعابير
""""""""""""""" من قلب طاير شـوق مثل الحمامه

وشفيك مسـتغرب اذا شفتني غير
""""""""""""""" من ســبّتك حلقـي مضيـع كــلامه

اسكت واسولف بس من غير تفكير
""""""""""""""" انا مع عقلـي ،، وعقلـي علامه

سارح من البارح على شان تفسير
""""""""""""""" يـوم الضروف تمر مثل الغمامه

ليـه الغيــاب اللـي يمــد المعاذيـر
""""""""""""""" ياخذ مكان اللي فرض أحترامه

جيتـك وقاطع قلـب كل المشـاوير
""""""""""""""" مثل الـذي غنـى براس العدامه

مثل المطر لاجاب عطر النواوير
""""""""""""""" ودي تجيب العيد بأحلى ابتسامه




الا ياعيد سلم لي علي اللي مايحاكيني
............... انا برسل تحياتي ولو ماهو براضيها

اشوف الناس فرحانه ودمعي واقف بعيني
............... اهنيهم ونفسي مالقت من هو يهنيها

اجامل كل ربعي والصديق اللي يباريني
............... وابين فرحتي والله يعلم وش معانيها

الا ياعيد عدل كل مابينه وما بيني
............... انا دون الصبرياعد نفسي كيف اهديها

قله عيدك مبارك وخل اللوم يكويني
............... ملامه صاحبي لاجت من الاعماق احييها

ومرت سته اعياد سابعها موافيني
............... ثلاث سنين ارجي الله ينصرني بتاليها

ـــــــــــــــــــــــــــــــــــــــــــــــــــــــــــــــــــــ ــالنهايةـــــــــــــــــــــــــــــــــــــــــــــ

اتمنى ان تنال اعجابكم والله ولي التوفيق

مشكور حب