هجرت القلب وهجرك صار تذكار

هجرت القلب وهجرك صار تذكار
مثل عاشور عمري لك نظرته
وعلى خدودي دموع تسيل انهار
تكسر بالصدر قلبي وعبرْتَه
آنا ادور عليك واسأل الجار
حزين وعالبيبان غايب وانتظرته
واساهرلك لليالي الشتا منطار
ويليلك بالدفو ناعم ونمته
مراسيلي تجيكم شبه خطّار
ولا ردت رسايل منك انته
تعمدت المضارب ومنزل الدار
واناطرهم وقلبي تعلى ونته
انتلاقى بالدرب وليش تندار
اظن شخصي يغالي ماعرفته
تعال ارجوك احكي شصار ماصار
وعاتبني إذا سرك فضحتة
تذكر من ربينة اثنينة صغار
براءة الطفولة عمري عشتة
انا بدربك زرعت أنواع أزهار
وجمال الورد بالوجنات شفته
طعم ريجك شهد مخلينه بالبار
تكسره بماي قبلِ ماشربته
انا شاعر بحبك شكتب احتار
أخاف القلم يخطئ وصفته
وعيونك بيها الوان واشعار
بحور الشعر تحتار بنظمته
الورود البحدايق منك تغار
وتلاعب نسمة الغربي وجنته
ملاك انت وجمالك ابد ماصار
جميل الوصف وتاج الحسن شلته
اثاري انك ورد تنحاش صبار
عثر حظي بهواكم وقلبي لمته
ابتساماتك ياليث ماضحك ثار
بوسط قطعان ماتخطئ ضربته
طلع نار وقصب من يقرب النار
طلع مثل العقارب و بلسعته
اقلك انت ذيب وحيل غدار
وبعد ماكر وحقك مانقصته
اذا انت ثلج لاتقرب النار
بياضك بالسموم يضيع وأنت
اخليلك مَثل, الباز من طار
يعاود للأرض ابحيله وسرعته
عزيز انت وتجيني مثل إعصار
كوارث من حزن وكلشي شلعته
انا بركان منك لو زعل ثار
حمم من نار والاخضر شعلته
صرت فرعون انت وبالحكم جار
ولا ناصح يرد اللي حكمته
صبرت عليك صبر أيوب بالدار
توكا عالجروح وشال جثته
اذا ساسك رمل بسرعه تنهار
واذا نزوة هواك بساع خنته
ترى حبي غيوم محمّله امطار
بصحاري الشوق تروي مزنته
وآنا شامخ وصامد مثل الاشجار
اذا حتى تموت تبقى وقفته

مشكور حبي يسلمو انت الابداع والله