ليش تكلي أحبك بس بدون أحساس

ليش تكلي احبك بس بدون احساس
يعني شلون ما افهم صرت قصدك؟

اذا ودك تغيير كلي دون اسرار
لتحبني بكلامك حبني بودك

من يوم السالتك وانه ما مرتاح
ولا عيني غفت من اسمعت ردك

اكضي الليل صافن واحجي اني وياي
ابرر موقفك واتعذر لصدك



تراوالي المحبه تزيد يوم بيوم
ويحسدني اليشوفك يمي ويحسدك

عجيبه شلون تبعد من امرن بيك
وليش تضم عليه عطرك ووردك

جرفك اني يابحر الحزن مشتاك
صار هواي ما مر للجرف مدك

صار هواي ادور بينك انت وبيك
بلكي الكلك بيك وودك يردك

مالومك الك بس اني هم معذور
ما تعرف همومي بهالوكت بعدك

صدكني الوكت وك لعب دوره وياي
والدنيا بغفل من حالي باكتني

زرعتني بجروحك وضوكتني الويل
وتعب فوك التعب وياهة تعبتني

غسلتني بدمع وبليل وبكابوس
ولمن كملت بالنار شرتني

جرحتني وكبر بيه الجرح اضعاف
وبسموم الدهر صدكني داوتني

ومن ملت ولك فلت ضمادي بساع
وبحلك الجرح مجروح خلتني

حبيت الحياة برغم كل الجور
بس دنياي ابد ما يوم حبتني

واذا ودك برد حقك وانه الغلطان
واعذرك لو رحت شو كلهة عافتني

اذا عني رحت مر بيه كلما انام
لان بجفوني صوره وياك رسمتني

اضل كل عمري نايم واكعد الجفنين
اذا طيوفك حلم وبليله مرتني .

salih alassifi كتب:[ندعوك للتسجيل في المنتدى أو التعريف بنفسك لمعاينة هذه الصورة]

ايدك السالمة.

ارجو اختي ذكر بنهابت كل موضوع كلمت بقلمي اذا كان انتي من كتبتي ؟؟
او منقول اذا مع جزيل الشكر
واصلي ابداعك اختي

ابراهيم الكرناوي كتب:ارجو اختي ذكر بنهابت كل موضوع كلمت بقلمي اذا كان انتي من كتبتي ؟؟
او منقول اذا مع جزيل الشكر
واصلي ابداعك اختي

ان شاء الله
تسلم انت المبدع.

اذا ودك تغيير كلي دون اسرار
لتحبني بكلامك حبني بودك
والله ذوووووووووووق شو هاي انتي منورة كوكب المريخ بهاي مواضيع ههههههههههه محد يقراها هناك اقصد منورة كوكب الارض

فارس بلا جواد كتب:اذا ودك تغيير كلي دون اسرار
لتحبني بكلامك حبني بودك
والله ذوووووووووووق شو هاي انتي منورة كوكب المريخ بهاي مواضيع ههههههههههه محد يقراها هناك اقصد منورة كوكب الارض

هههههههههههه يسلم ذوقك.

يدللووووووووو انتي علم وربي

فارس بلا جواد كتب:يدللووووووووو انتي علم وربي

انت الدولة والعلم والورقة والقلم
ها شلونها هههههههههههههههههه؟

هههههههههههههههههه شلونها تخبل جنن


دوله وعلم ورقه وقلم هاي اول مرى اسمعها شنو نكت مي جديدى

فارس بلا جواد كتب:هههههههههههههههههه شلونها تخبل جنن


دوله وعلم ورقه وقلم هاي اول مرى اسمعها شنو نكت مي جديدى

شعجب مسامعها وانت ابو التحشيش تقريبآ دا انكت ههههههههههههههههههه

مو هاي 200 وهسه هههههههههههههههه